ٹیسلا کے سی ای او ایلون مسک نے دعویٰ کیا ہے کہ آئندہ برسوں میں انسان نما روبوٹس کا استعمال تیزی سے بڑھ جائے گا اور لوگ بچوں اور معمر والدین کی دیکھ بھال کے لیے ذاتی روبوٹس استعمال کریں گے۔
چینی میڈیا کو انٹرویو دیتے ہوئے ایلون مسک نے کہا کہ ایک شخص مستقبل میں ہزاروں روبوٹس اور ڈیجیٹل ایجنٹس کو کنٹرول کرسکے گا۔ ان کے مطابق 10 سال میں انسان نما روبوٹس کی تعداد ایک ارب، 15 سال میں 10 ارب اور 20 سال میں 100 ارب تک پہنچ سکتی ہے۔
انہوں نے کہا کہ روبوٹس بچوں کی تعلیم سمیت کئی دیگر کام بھی انجام دیں گے۔ ایلون مسک نے لوگوں کو چین کا دورہ کرنے کا مشورہ دیتے ہوئے بیجنگ اور شنگھائی جانے کی بھی بات کی۔