نیدرلینڈز کی حکومت نے 2035 تک سرکاری شعبے میں 25 ہزار ملازمتیں ختم کرکے ان کی جگہ مصنوعی ذہانت (اے آئی) اور دیگر جدید اقدامات نافذ کرنے کا اعلان کیا ہے، جس سے مجموعی طور پر 16 فیصد ورک فورس کم ہوگی اور ساڑھے 3 ارب یورو کی بچت متوقع ہے۔
ڈچ اسٹیٹ سیکریٹری ایرک وان ڈیر برگ کے مطابق اس منصوبے سے 2027 تک 90 کروڑ یورو کی بچت اور پیداواری صلاحیت میں 20 فیصد اضافہ ہوگا۔
اس مقصد کے لیے قوانین کو سادہ بنانے کے ساتھ کم از کم 500 اصولوں کو ختم یا آسان کیا جائے گا، جبکہ اخراجات میں کمی کے لیے ڈیسک شیئرنگ، اضافی سرکاری عمارات کی فروخت اور آئی ٹی سسٹمز کو اسٹینڈرڈائز کرنے جیسے اقدامات بھی کیے جائیں گے۔