امریکی صدر ڈونلڈ ٹرمپ کی جانب سے ایران کی تنازع کے حل اور آبنائے ہرمز دوبارہ کھولنے سے متعلق تجویز مسترد کیے جانے کے بعد عالمی منڈی میں خام تیل کی قیمتوں میں معمولی اضافہ ہوگیا۔
غیر ملکی میڈیا کے مطابق پیر کو برینٹ خام تیل کی قیمت 1.82 ڈالر (1.74 فیصد) اضافے سے 106.14 ڈالر فی بیرل ہوگئی جبکہ امریکی ویسٹ ٹیکساس انٹرمیڈیٹ (WTI) کی قیمت 1.14 ڈالر (1.23 فیصد) بڑھ کر 93.55 ڈالر فی بیرل ہوگئی۔
واضح رہے کہ امریکی اخبار وال اسٹریٹ جرنل نے دعویٰ کیا ہے کہ صدر ٹرمپ نے ایران کی جانب سے پیش کی گئی 7 روزہ جنگ بندی کی تجویز مسترد کردی ہے۔ اخبار کے مطابق ٹرمپ نے اپنے مشیروں سے کہا کہ نومبر کے مڈٹرم انتخابات کے بعد ایران پر بمباری دوبارہ شروع ہوسکتی ہے جبکہ انہیں یقین نہیں کہ تہران امریکی مطالبات تسلیم کرے گا۔