وفاقی حکومت نے گزشتہ دو سال کے دوران این ایف سی ایوارڈ کے تحت خیبر پختونخوا کو 2 ہزار 347 ارب روپے منتقل کیے ہیں۔
وزارت خزانہ کی دستاویزات کے مطابق وفاق کی جانب سے خیبر پختونخوا کو مالی سال 2025-26 میں 1244 ارب روپے فراہم کیے گئے، جبکہ مالی سال 2024-25 میں 1103 ارب روپے دیے گئے۔
وزارت خزانہ کے حکام کے مطابق وفاقی حکومت این ایف سی ایوارڈ میں طے شدہ فارمولے کے تحت ایف بی آر کی ٹیکس آمدنی کا 57.5 فیصد حصہ صوبوں کو منتقل کرتی ہے۔ تاہم نان ٹیکس آمدنی وفاق کے پاس رہتی ہے اور وہ صوبوں میں تقسیم نہیں ہوتی۔
حکام نے مزید بتایا کہ پیٹرولیم لیوی سے حاصل ہونے والی آمدنی نان ٹیکس ریونیو کا حصہ ہے، جس میں صوبوں کا کوئی حصہ نہیں ہوتا۔