پشاور ہائیکورٹ نے ریڈیو پاکستان حملہ کیس میں خیبر پختونخوا حکومت کی درخواست خارج کرتے ہوئے اسپیشل پراسیکیوٹر کی شناخت رپورٹ کے خلاف دائر درخواست مسترد کردی۔
عدالت میں پیش کی گئی پنجاب فرانزک اور نادرا کی رپورٹ کی بنیاد پر وزیراعلیٰ خیبر پختونخوا سہیل آفریدی کو مقدمے میں نامزد کیا گیا، جبکہ تیمور سلیم جھگڑا، کامران بنگش سمیت دیگر افراد کو بھی نامزد کیا گیا ہے۔
اسپیشل پراسیکیوٹر نے شناخت رپورٹ کو پشاور ہائیکورٹ میں چیلنج کرتے ہوئے مؤقف اختیار کیا تھا کہ عدالت دورانِ ٹرائل کسی شہادت کو تصدیق کے لیے کسی ادارے کو ارسال نہیں کرسکتی۔
ریڈیو پاکستان کی جانب سے وکیل نے دلائل دیتے ہوئے کہا کہ اگر ملزمان نے طریقہ کار کو چیلنج نہیں کیا تو اسپیشل پراسیکیوٹر کی جانب سے اسے کیوں چیلنج کیا جا رہا ہے۔