گوادر کے پاک چائنا فرینڈ شپ اسپتال میں پاک آرمی کی میڈیکل ٹیم نے ٹریفک حادثے میں زخمی ہونے والے 17 سالہ نوجوان سلمان کی کامیاب دماغی سرجری کر دی۔ نوجوان کو حادثے کے بعد تشویشناک حالت میں اسپتال لایا گیا تھا۔
محدود طبی سہولیات اور دستیاب آلات کے باوجود ڈاکٹرز نے بروقت کارروائی کرتے ہوئے پیچیدہ آپریشن مکمل کیا جس کے بعد نوجوان کی حالت میں بہتری آئی۔
سلمان کے اہلِ خانہ نے کامیاب علاج اور بروقت طبی امداد پر میڈیکل ٹیم کا شکریہ ادا کیا۔ ان کا کہنا تھا کہ گوادر میں مشکل وقت کے دوران ملنے والی فوری طبی سہولت ان کے لیے انتہائی اہم ثابت ہوئی۔