اینٹی کرپشن سندھ میں 12 افسران کے تبادلے اور نئی تعیناتیاں کی گئی ہیں، جس کا باضابطہ نوٹیفکیشن بھی جاری کردیا گیا ہے۔
نوٹیفکیشن کے مطابق عمران رحیم کو ڈپٹی ڈائریکٹر اینٹی کرپشن کیماڑی جبکہ صبغت اللہ شیخ کو ڈپٹی ڈائریکٹر اینٹی کرپشن کورنگی تعینات کیا گیا ہے۔ محمد یونس زرداری کو ڈسٹرکٹ سینٹرل سے ڈائریکٹوریٹ جنرل اور قاضی شرف الدین کو ڈسٹرکٹ ایسٹ سے ڈسٹرکٹ ملیر منتقل کردیا گیا ہے۔
دیگر تبدیلیوں میں محمد سانول گھوٹو کو ڈپٹی ڈائریکٹر اینٹی کرپشن سکھر سے نوشہرو فیروز، سید معاویہ رضوی کو ساؤتھ سے ڈسٹرکٹ کیماڑی، اور امتیاز علی چنہ کو ملیر سے چیئرمین اینٹی کرپشن کے دفتر منتقل کردیا گیا ہے۔
علاوہ ازیں انسپکٹر عمران اللہ راکھا کو ڈپٹی ڈائریکٹر اینٹی کرپشن کیماڑی تعینات کیا گیا ہے جبکہ انسپکٹر نیاز حسین شیخ کو ڈائریکٹوریٹ جنرل سے ڈسٹرکٹ ساؤتھ منتقل کردیا گیا ہے۔