اسلام آباد کی ڈسٹرکٹ اینڈ سیشن کورٹ نے ایک چینی شہری کے قتل کے کیس کا فیصلہ سناتے ہوئے جرم ثابت ہونے پر ملزم چینی شہری کو سزائے موت کا حکم دے دیا۔
ایڈیشنل سیشن جج افضل مجوکہ نے کیس کی سماعت کرتے ہوئے مجرم کو مقتول کے ورثاء کو 10 لاکھ روپے ہرجانہ ادا کرنے کی ہدایت کی۔
علاوہ ازیں غیر قانونی طور پر گھر میں داخلے کی دفعہ کے تحت مجرم کو 7 سال قیدِ بامشقت اور ایک لاکھ روپے جرمانے کی سزا بھی سنائی گئی، جبکہ دفعہ 354 کے الزام سے بری کردیا گیا۔
واضح رہے کہ اس واقعے کا مقدمہ اسلام آباد کے تھانہ سنبل میں درج کیا گیا تھا۔