ایم کیو ایم پاکستان کے سینئر مرکزی رہنما و رکن قومی اسمبلی فاروق ستار نے کہا ہے کہ سندھ میں کسی جغرافیائی تقسیم کے بغیر چھ انتظامی یونٹس کا قیام عمل میں لایا جائے گا۔
جامعہ کراچی میں آل پاکستان متحدہ اسٹوڈنٹس آرگنائزیشن کے زیرِ اہتمام منعقدہ مشاعرے میں شرکت اور بعد ازاں میڈیا سے گفتگو کرتے ہوئے انہوں نے کہا کہ انتظامی یونٹس بننے سے کراچی، حیدرآباد، نواب شاہ، لاڑکانہ، سکھر اور میرپورخاص کے عوام کو ان کے حقوق اور وسائل ان کی دہلیز پر مل سکیں گے جبکہ جعلی ڈومیسائل کا سلسلہ بھی ہمیشہ کے لیے ختم ہوجائے گا۔
اس موقع پر فاروق ستار نے بی آر ٹی حادثے کی نیب تحقیقات اور وائس چانسلر کی تقرری کا بھی مطالبہ کیا۔