اوگرا نے حکومتی پیٹرولیم پرائسنگ میکنزم کے تحت پٹرولیم مصنوعات کی قیمتوں میں اضافہ کردیا۔
اوگرا کے اعلامیے کے مطابق 3 اکتوبر سے 5 اکتوبر 2026 تک پیٹرول کی قیمت میں 2 روپے 10 پیسے فی لیٹر اضافہ کیا گیا ہے، جس کے بعد پیٹرول کی نئی قیمت 392 روپے 76 پیسے فی لیٹر مقرر ہوگئی۔
اعلامیے کے مطابق ہائی اسپیڈ ڈیزل کی قیمت میں 30 پیسے فی لیٹر اضافہ کیا گیا ہے، جس کے بعد ہائی اسپیڈ ڈیزل کی نئی قیمت 399 روپے 64 پیسے فی لیٹر ہوگئی۔
پیٹرولیم ڈویژن کے مطابق پٹرولیم مصنوعات کی قیمتیں عالمی مارکیٹ میں پیٹرول اور ڈیزل کی قیمتوں سے منسلک ہیں۔ عالمی مارکیٹ میں قیمتوں میں تبدیلی، پلاٹس ریٹس، پریمیم اور دیگر اخراجات کو مدنظر رکھتے ہوئے پٹرولیم مصنوعات کی قیمتوں میں ردوبدل کیا گیا ہے۔