ایم ٹی آنر 25 کے زخمی پاکستانی عملے کے 4 ارکان اور جاں بحق ہونے والے 3 پاکستانیوں کی میتیں ایتھوپین ایئرلائنز کی پرواز کے ذریعے آج کراچی پہنچیں گی۔
ترجمان دفتر خارجہ کے مطابق ایتھوپیا اور جبوتی میں پاکستان کے سفیروں نے زخمی پاکستانی عملے کے ارکان عثمان غنی، عقیل خان، امین بن شمس اور یاسر خان کو ادیس ابابا سے روانہ کیا۔
ترجمان کے مطابق جاں بحق پاکستانیوں رفیع اللہ خان، سید کاشف عمر اور محمود احمد انصاری کی میتیں بھی ان کے ہمراہ کراچی روانہ کی گئی ہیں۔ پاکستانی شہری ایتھوپین ایئرلائنز کی پرواز ای ٹی 694 کے ذریعے آج کراچی پہنچیں گے۔