میئر کراچی بیرسٹر مرتضیٰ وہاب کی زیرِ صدارت محکمہ انجینئرنگ کا اہم اجلاس ہوا، جس میں ڈی جی ٹی ایس نے شہر میں جاری میگا اسکیمز پر تفصیلی بریفنگ دی۔
مرتضیٰ وہاب نے شہر میں جاری تمام ترقیاتی منصوبوں کی تکمیل کے لیے واضح ڈیڈلائن دینے کی ہدایت کرتے ہوئے کہا کہ پورے شہر میں کام جاری ہیں اور انہیں جلد از جلد مکمل کیا جائے۔
میئر کراچی نے کہا کہ ترقیاتی کاموں کے ساتھ بہتر فنشنگ بھی یقینی بنائی جائے۔ سڑکوں کی بحالی کے ساتھ اسٹریٹ لائٹس بھی درست کی جائیں تاکہ شہریوں کو بہتر انفراسٹرکچر فراہم کیا جا سکے۔
اجلاس میں میٹروپولیٹن کمشنر ابرار جعفر، مشیر مالیات گلزار علی، ڈی جی ٹی ایس طارق مغل سمیت دیگر افسران نے شرکت کی۔