عاشق پٹھان اور ان کے اہلِ خانہ نے اپنے پیاروں کے قتل کے خلاف اور انصاف کے حصول کے لیے کراچی پریس کلب کے باہر احتجاجی مظاہرہ کیا۔
شانتی نگر میں پیش آئے افسوسناک واقعے کو تقریباً ڈیڑھ سال کا عرصہ گزرنے کے باوجود مفرور ملزمان کی عدم گرفتاری پر متاثرہ خاندان شدید غم و غصے کا اظہار کر رہا ہے۔
مظاہرین کا کہنا تھا کہ کیس میں اگرچہ دو ملزمان گرفتار ہوچکے ہیں، تاہم دیگر نامزد ملزمان تاحال قانون کی گرفت سے دور ہیں۔ انہوں نے الزام عائد کیا کہ قانون نافذ کرنے والے ادارے مفرور ملزمان کو گرفتار کرنے میں مسلسل ناکام رہے ہیں، جس سے متاثرہ خاندان میں بے چینی پھیل رہی ہے۔
متاثرہ خاندان نے اعلیٰ حکام اور انتظامیہ سے مطالبہ کیا ہے کہ تمام مفرور ملزمان کو فوری گرفتار کر کے کیس کی شفاف تفتیش مکمل کی جائے اور مقتولین کے لواحقین کو بلا تاخیر انصاف فراہم کیا جائے۔