وفاقی دارالحکومت کے بڑے سرکاری اسپتال پمز میں ایک بار پھر انتظامی تبدیلیاں کی گئی ہیں۔
ڈاکٹر محمد سلمان نے ایگزیکٹو ڈائریکٹر پمز کے عہدے کا چارج چھوڑ دیا، جس کے بعد پروفیسر ڈاکٹر تنویر خالق نے ایگزیکٹو ڈائریکٹر پمز کی ذمہ داریاں سنبھال لیں۔
ذرائع کے مطابق بریگیڈیئر (ر) ڈاکٹر عظمت حیات کو جوائنٹ ایگزیکٹو ڈائریکٹر پمز تعینات کردیا گیا ہے، جبکہ جوائنٹ ایگزیکٹو ڈائریکٹر ڈاکٹر سبین کی خدمات واپس پولی کلینک کے سپرد کردی گئی ہیں۔