لاہور ہائیکورٹ نے رجسٹری محرر کیس میں ملزم کی عدم گرفتاری پر ڈی جی اینٹی کرپشن پنجاب سہیل ظفر چٹھہ کو کل طلب کرلیا۔
کیس کی سماعت کے دوران چیف جسٹس لاہور ہائیکورٹ نے استفسار کیا کہ جب ملزم کے قصوروار ہونے پر مقدمہ درج کرلیا گیا تھا تو گرفتاری کے لیے انتظار کیوں کیا جاتا رہا۔
عدالت میں اینٹی کرپشن کے تفتیشی افسر ملزم کی گرفتاری سے متعلق تسلی بخش جواب دینے میں ناکام رہے، جس پر عدالت نے ڈی جی اینٹی کرپشن کو وضاحت کے لیے طلب کرلیا۔
عدالت نے ملزم کی درخواست ضمانت پر سماعت کل تک ملتوی کردی۔