انڈر 19 ویمنز ٹی ٹوئنٹی تین ملکی سیریز کے میچ میں بنگلادیش نے پاکستان کو 32 رنز سے شکست دے دی ہے۔
میچ میں پہلے بیٹنگ کرتے ہوئے بنگلا دیش انڈر 19 کی ٹیم نے مقررہ 20 اوورز میں 5 وکٹوں کے نقصان پر 136 رنز بنائے۔ بنگلا دیش کی جانب سے سعدیہ اسلام 44 اور شیرینہ خاتون 32 رنز کے ساتھ نمایاں بیٹر رہیں۔
137 رنز کے ہدف کے تعاقب میں پاکستان انڈر 19 ٹیم مقررہ اوورز میں 9 وکٹوں کے نقصان پر 104 رنز ہی بنا سکی۔ پاکستان کی طرف سے روائل فرحان 36 اور اقصیٰ حبیب 23 رنز بنا کر نمایاں رہیں۔
بنگلا دیش کی باؤلنگ میں فرجانہ یاسمین میدھا نے شاندار باؤلنگ کا مظاہرہ کرتے ہوئے 3 جبکہ نشیتا اختر نے 2 وکٹیں حاصل کیں۔ پاکستان انڈر 19 ٹیم سیریز میں اپنا آخری گروپ میچ کل اقبال اسٹیڈیم فیصل آباد میں سری لنکا کے خلاف کھیلے گی۔