کینیڈین گالفر لورینٹ ہرٹباس جو کہ پیدائشی طور پر اپنے دائیں ہاتھ سے محروم ہیں،نے ایسا کارنامہ کر دِکھایا کہ دیکھنے والے داد دئیے بِنا نہیں رہ سکے۔
گالفر نے ایک ہاتھ سے 'ہول اِن ون' کیا یعنی ایک سٹروک میں گیند ہول میں پہنچا دی۔
امریکہ کی ریاست کیلیفورنیا میں منعقد ہونے والا 'پروفیشنل گالفرز ایسوسی ایشن' (پی جی اے) ٹور اس وقت سب کی توجہ کا مرکز بنا جب کینیڈا سے تعلق رکھنے والے کِھلاڑی گالفر لورینٹ ہرٹباس نے چوتھے ہول پر 151 یارڈز کی شاٹ لگائی جو سیدھی ہول میں پہنچ گئی۔ یہ خوبصورت شاٹ دیکھ کر وہاں موجود پروفیشنل گالفرز نے بھی کِھلاڑی کی بھرپور حوصلہ افزائی کی۔
گالفر لورینٹ ہرٹباس کے مطابق وہ 11 سال کے تھے جب سے گالف کھیل رہے ہیں۔ نا صرف گالف بلکہ لورینٹ ماضی میں ہاکی اور بیس بال بھی کھیلتے رہے ہیں۔