پاکستان شوبز انڈسٹری کو خیر آباد کہنے والی سابق اداکارہ نور بخاری نے اپنی بیٹی کی خاطر اپنے سابق شوہر سے دوبارہ شادی کا فیصلہ کر لیا۔
سماجی رابطے کی ویب سائٹ ٹوئٹر پر عامر لیاقت نے نور بخاری اور ان کے سابق شوہر عون چوہدری کی تصویر شئیر کی اور لکھا کہ 'نور بہن نے عون بھائی سے بیٹی کی خاطر دوبارہ شادی کا فیصلہ کرلیا ہے، عظیم عورت۔ قدر مزید بڑھ گئی اور عون بھائی کو تو جانتے ہی ہوں گے آپ'۔
عامر لیاقت کے اس ٹوئٹ کا سابق اداکارہ نے کوئی جواب نہیں دِیا تاہم لوگوں نے مبارکباد دی۔
واضح رہے کہ نور بخاری نے اپنے انسٹاگرام اکاؤنٹ پر عون چوہدری کی تصویر شئیر کی جس کے کیپشن میں لکھا میرا ہیرو۔
تصویر پر بہت سے لوگوں نے نور بخاری کو مبارکباد دیں جبکہ نور بخاری کی بہن فاریہ بخاری نے بھی نیک خواہشات کا اظہار کیا۔
