شہرہ آفاق ڈرامہ میرے پاس تم ہو کا اوریجنل ساؤنڈ ٹریک بھی اتنا ہی مقبول ہوا جتنی شہرت اس ڈرامہ کو مِلی۔
حال ہی میں پاکستان شوبز انڈسٹری سے تعلق رکھنے والی اداکارہ میرا نے ایک پروگرام میں بطور مہمان شرکت کی۔ پروگرام میں شوٹ سے قبل بنائی گئی ایک ویڈیو سب کی توجہ کا مرکز بن گئی جس میں اداکارہ پروگرام کی اینکر فضاء شعیب کے ہمراہ معروف ڈرامہ سیریل میرے پاس تم ہو کا گانا جو راحت فتح علی خان نے گایا ہے، گاتی دِکھائی دے رہی ہیں۔
میرا کی یہ ویڈیو فضاء شعیب نے گزشتہ ہفتے سماجی رابطے کی ویب سائٹ انسٹاگرام پر شئیر کی جس کے بعد یہ ویڈیو وائرل ہو گئی۔