گزشتہ کئی روز سے یہ خبریں گردِش کر رہی ہیں کہ ماضی کی معروف اداکارہ انجمن کو ان کے شوہر نے طلاق دے دی ہے جبکہ اب اداکارہ کی جانب سے ان تمام خبروں کی تردید کر دی گئی ہے۔
ادکارہ انجمن شاہین سے وسیم علی عرف لکی علی نے گزشتہ سال جولائی میں پسند کی شادی کی تھی لیکن اطلاعات کے مطابق وسیم علی نے انجمن کو ایک طلاق دے دی ہے جس کی تصدیق لکی علی اور انجمن کے مشترکہ فلمی دوست نے بھی کی ہے۔ وسیم علی نے خود بھی اس بات کا اعتراف کرتے ہوئے کہا کہ انہوں نے انجمن کو پہلی طلاق دی ہے تاہم انہوں نے طلاق کی وجوہات بتانے سے انکار کیا ہے۔
تفصیلات کے مطابق دونوں کے درمیان کافی عرصے سے اختلافات چل رہے تھے تاہم دونوں کی جانب سے کوئی بیان سامنے نہیں آیا تھا جبکہ اب ادکارہ انجمن نے اپنی خاموشی توڑ دی ہے اور طلاق کی تردید کرتے ہوئے کہا ہے کہ 'میں اپنے شوہر وسیم کے ہمراہ رواں ہفتے عمرے کی ادائیگی کے لیے جارہی ہوں'، ان کا مزید کہنا تھا کہ 'اللہ پاک جھوٹی خبریں پھیلانے والوں کو ہدایت دے'۔