گزشتہ روز گلوکار عاصم اظہر نے سوشل میڈیا ویب سائٹ انسٹاگرام پر اپنی ایک ویڈیو شیئر کی جس میں وہ پی ایس ایل فائیو کا آفیشل ترانہ گاتے نظر آرہے ہیں۔
گلوکار عاصم اظہر نے اپنی انسٹاگرام کی ویڈیو کے کیپشن میں لکھا ہمارا پاکستان، ہمارا پی ایس ایل، ہمارا ترانہ، ٹرینڈنگ ون. گلوکار نے کیپشن میں یہ بھی لکھا ’آتا ہے جو آنے دو پاکستان تیار ہے۔‘
آخر میں انہوں نے ویڈیو کے کیپشن میں دو ہیش ٹیگ کا استعمال کرتے ہوئے لکھا PakistanZindabad اور TayyarHain۔
عاصم اظہر کی اِس ویڈیو پر اداکارہ ہانیہ عامر نے گانے کی تعریف کرتے ہوئے لکھا کہ ’مجھے یہ پسند آیا۔‘
واضح رہے کہ پی ایس ایل 5 کا آفیشل گانا چند روز قبل ہی ریلیز کیا گیا ہے اور یہ ترانہ پاکستان کے 4 نامور گلوکار عارف لوہار، ہارون رشید، علی عظمت اور عاصم اظہر کی جانب سے گایا گیا ہے۔