پاکستان شوبز اندسٹری سے تعلق رکھنے والی اداکارہ و میزبان جویریہ عباسی نے کہا ہے کہ ہمارے ڈرامے ہمارے معاشرے کا عکس ہوتے ہیں۔
اداکارہ کا کہنا تھا کہ جن بھی ممالک میں ڈرامے بنتے ہیں ان میں ہمارے پاکستانی ڈرامے بہت زیادہ بہتر ہیں اور بہت سے ممالک ہمارے ڈراموں کی تعریف بھی کرتے ہیں۔ ہمارے ڈرامے میں معاشرے کا عکس واضح ہوتا ہے اور لوگ معاشرے کے معاملات سے آگاہی رکھنے کے لئے یہ ڈرامہ دیکھتے ہیں۔ آج تو ایسے موضوعات پر بھی ڈرامے بن رہے ہیں جنہیں ماضی میں زیر بحث نہیں لا یا جا سکتا تھا۔
جویریہ عباسی نے کہا کہ کراچی ڈرامہ انڈسٹری اس وقت عروج پر ہے اور یہاں کے اداکاروں نے اپنی اہلیت ثابت کی ہے۔