شعیب ملک کی اہلیہ و بھارتی ٹینس اسٹار نے سماجی رابطے کی ویب سائٹ انسٹاگرام پر ایک پوسٹ شئیر کی جس میں انہوں نے وزن کم کرنے کے حوالے سے درپیش مسائل اور ان کا حل بتایا۔
ثانیہ نے اپنی انسٹاگرام پوسٹ پر بڑھے ہوئے وزن اور وزن کم کر لینے کے بعد کی تصویر شیئر کرتے ہوئے لکھا کہ '89 کلو بمقابلہ 63 کلو'۔ ان کا کہنا تھا کہ 'ہم سب کے ہی کچھ مقاصد ہوتے ہیں، اپنے تمام تر مقاصد کو اپنا 100 فیصد دیں اور پھر حاصل ہونے والے نتائج دیکھیں'۔
وزن کم کرنے کے حوالے سے ٹینس اسٹار کا کہنا تھا کہ 'ایک بچے کی پیدائش کے بعد مجھے صحتمند ہونے اور 26 کلو وزن کم کرنے میں 4 ماہ کا عرصہ لگا۔ فٹنس حاصل کرنے کے بعد ٹینس کورٹ میں واپس آنا اور بڑی سطح پر کھیلنا ایک لمبا سفر دکھائی دیتا ہے'۔
ثانیہ مِرزا نے اپنے کیپشن میں مداحوں کو پیغام دیا کہ 'اپنے خوابوں کی پیروی کریں۔ خدا جانتا ہے کہ آپ کی حوصلہ شکنی کے لیے آپ کے ارد گرد کتنے لوگ موجود ہیں لیکن آپ کو ان سے کوئی فرق نہیں پڑنا چاہئے'۔