فیصل قریشی کا شمار پاکستان کے ان مشہور فنکاروں میں ہوتا ہے جو اپنے فلمی اور ڈرامائی کیریئر میں کئی بہترین کردار نبھا چکے ہیں۔
ان کے نئے آنے والے ڈرامے میں اداکار فیصل قریشی ایک منفی کردار نبھا رہے ہیں جس میں ان کے ساتھ اداکارہ مدیحہ امام بھی جلوہ گر ہونگی۔
ذرائع کے مطابق اس ڈرامے کا نام اب تک فائنل نہیں ہوا تاہم ڈرامے کے مختلف ٹیزرز یوٹیوب پر جاری کیے جا چکے ہیں۔
اس ڈرامے میں فیصل قریشی نے ایک بااثر وڈیرے کا کردار ادا ہے جبکہ اداکارہ مدیحہ امام ایک آر جے بنی ہیں۔
جاری کردہ ٹیزرز میں فیصل قریشی مدیحہ امام کے شو پر انٹرویو دینے کے لئے آتی ہیں جہاں وہ انہیں پسند آجاتی ہیں۔ بعدازاں وہ مدیحہ سے زبردستی شادی کرلیتے ہیں۔
ایک انٹرویو میں اس ڈرامہ سیریل کے حوالے سے فیصل قریشی نے انکشاف کرتے ہوئے کہا کہ ان کا کردار بہت دلچسپ ہے، نہ تو یہ مکمل طور پر منفی ہوگا اور نہ ہی اسے بالکل مثبت کہا جائے گا۔