اپنی ٹوٹی پھوٹی انگریزی کے باعث لوگوں میں مقبول رہنے والی اداکارہ میرا کی نئی ویڈیو منظر عام پر آنے کے بعد سوشل میڈیا پر تیزی سے وائرل ہو گئی۔
لالی ووڈ اداکارہ میرا کی سوشل میڈیا پر ایک ویڈیو مشہور ہو رہی ہے جس میں وہ اداکارہ ریشم کی تعریف کرتے ہوئے کہتی ہیں کہ ریشم بہت ہی اسٹائلش کوئین ہیں۔ ریشم کی اسٹائل اسٹیٹمنٹ ہمیشہ مجھے حوصلہ دیتی ہے۔ تاہم انہوں نے یہ جملہ انگریزی میں ادا کیا اور ادا کرنے کے دوران ہی وہ بیچ میں اٹک گئیں۔ اس کے بعد میرا نے کہا میرے خیال میں ہماری انڈسٹری کی تمام اداکارائیں اسٹائلش ہیں۔ آخر میں میرا نے کہا کہ یہ ’’ڈے لیٹ‘‘ کر دیجئے گا۔
میرا کا انگریزی لفظ ’’ڈیلیٹ‘‘ کو ’’ڈے لیٹ‘‘ کہنے پر سوشل میڈیا پر ان کا بہت مذاق اڑایا جا رہا ہے اور بڑی تعداد میں اس ویڈیو کو لوگ سوشل میڈیا پر شئیر کر رہے ہیں۔