واٹس ایپ میں اینیمیٹڈ یا جی آئی ایف تصاویر کا تبادلہ کیا جاسکتا ہے مگر عام طور پر اس کے لیے لوگ تھرڈ پارٹی جیسے جفی یا دیگر کا سہارا لیتے ہیں جو بائی ڈیفالٹ میسجنگ سروس میں موجود ہوتے ہیں۔
مگر کیا آپ کو واٹس ایپ میں چھپے ایسے فیچر کے بارے میں معلوم ہے جس کی مدد سے آپ خود جی آئی ایف تصویر بنا کر بھیج سکتے ہیں؟
دنیا کی مقبول ترین میسنجر ایپلیکیشن واٹس ایپ میں یہ فیچر گزشتہ سال متعارف ہوا تھا مگر اب بھی کروڑوں صارفین اس فیچر کے حوالے سے نہیں جانتے جبکہ اس فیچر کو استعمال کرنا نہایت آسان ہے۔
اس کے لیے سب سے پہلے واٹس ایپ کو اوپن کریں۔ اس کے بعد چیٹ ونڈو (Chat Window) کھولیں جس پر آپ اینیمیٹڈ تصویر بھیجنا چاہتے ہیں اور وہاں چیٹ باکس میں موجود اٹیچمنٹ آئیکون پر کلک کرنے کے بعد گیلری کے آپشن میں چلے جائیں۔
جس ویڈیو کو آپ جی آئی ایف تصویر کے لیے استعمال کرنا چاہتے ہیں اسے موبائل گیلری میں جا کر منتخب کریں۔
ویڈیو کو سلیکٹ کرنے پر واٹس ایپ میں آپ کے سامنے ویڈیو کا پریویو(Preview) نظر آئے گا، اگر اس کا دورانیہ 6 سیکنڈ سے زیادہ ہو تو آپ اضافی حصے کو کاٹ کر اپنی پسند کے 6 سیکنڈ کے حصے کو چھوڑ دیں۔
اس طرح کرنے سے آپ کے سامنے ویڈیو کیمرا اور جی آئی ایف کے آپشن سامنے آئیں گے، اس میں سے جی آئی ایف پر کلک کر دیں، ایسا کرنے پر واٹس ایپ اپنے طور پر اس ویڈیو کو اینیمیٹڈ تصویر میں تبدیل کر دے گا۔