سوشل میڈیا سے مقبولیت حاصل کرنے والے احمد شاہ ایک بار پھر پی ایس ایل پروگرام کا حصہ بنے۔ شو میں ان کی سرپرائز انٹری نے پی ایس ایل کے پروگرام کو مزید دلچسپ بنا دیا۔
پی ایس ایل کے پروگرام میں مختلف شخصیات اور دیگر سابق کھلاڑی بھی شو کا حصہ بنے جبکہ چائلڈ اسٹار احمد شاہ نے بھی پروگرام میں چار چاند لگا دئے۔
ہوسٹ وسیم بادامی نے احمد شاہ سے میچ کی فاتح ٹیم سے متعلق سوال کیا تو انہوں نے اسلام آباد یونائیٹڈ کا نام لیا۔
واضح رہے کہ اس سے قبل بھی احمد شاہ متعدد پروگراموں کا حصہ بن چکے ہیں۔