گزشتہ روز نیشنل اسٹیڈیم کراچی میں کوئٹہ گلیڈی اور کراچی کنگز کے مابین کھیلے جانے والے میچ کے دوران میچ کے ابتدائی اوورز میں کوئٹہ کے باؤلر نسیم شاہ نے بابراعظم کو آؤٹ کرنے کے بعد اپیل کی، امپائر کے اپیل مسترد کرنے پر کوئٹہ گلیڈی ایٹرز کے کپتان سرفراز احمد نے ریویو لے لیا۔
ذرائع کے مطابق امپائر کے فیصلے پر ریویو کے دوران سافٹ ویئر کی خرابی کے باعث الٹرا ایج اور اسنیکو میٹر نہ چل سکا، اور امپائر نے اندازے کی بنیاد پر بابراعظم کو ناٹ آؤٹ قرار دیدیا۔
تھرڈ امپائر کے فیصلے سے گراؤنڈ میں موجود کھلاڑی اور کمنٹیٹرز بھی حیران رہ گئے لیکن سب کو فیصلہ قبول کرنا پڑا۔
تھرڈ امپائر کے ناٹ آؤٹ قرار دینے کے باوجود کوئٹہ کے کپتان سرفراز احمد فیلڈ امپائر سے اس حوالے سے بات کرتے رہے مگر امپائر نے انھیں اپنی جگہ پر جانے کا کہا۔