اسٹیج، ٹی وی اور فلم کے معروف کامیڈین امان اللّٰہ جہانِ فانی سے رخصت ہو گئے۔
امان اللہ خان کافی عرصے سے لاہور کے اسپتال میں داخل تھے، انہیں پھیپھڑوں اور گردوں کا مرض لاحق تھا۔
انتقال کے وقت مشہور کامیڈین امان اللہ خان کی عمر 70 سال تھی۔
واضح رہے امان اللّٰہ کو 2018ء میں ان کی فنی خدمات کی وجہ سے صدارتی ایوارڈ سے نوازا گیا، انہوں نے پاکستانی فلموں نامعلوم افراد اور ون ٹو کا ون میں اپنی اداکاری سے مداحوں کو محظوظ کیا۔
امان اللّٰہ کو پاکستان میں اسٹینڈ اپ کامیڈی کا بانی قرار دیا جاتا ہے، جن کے کروڑوں مداح پاکستان اور بیرونِ ملک میں موجود ہیں۔