پاکستان پیپلز پارٹی کے رہنما اور سابق وزیرِاعظم یوسف رضا گیلانی کے صاحبزادے علی قاسم گیلانی کے ولیمے کی تقریب گزشتہ روز لاہور میں منعقد ہوئی۔
تقریب میں پی پی پی کے رہنما راجہ پرویز اشرف سمیت مختلف رہنماؤں نے شرکت کی جبکہ پاکستان پیپلز پارٹی کے چیئرمن بلاول بھٹو زرداری بھی تقریب میں نظر آئے۔
بلاول بھٹو زرداری علی قاسم گیلانی کے قریبی دوست بھی ہیں تاہم اس سے قبل بلاول بھٹو زرداری یوسف رضا گیلانی کے صاحبزادے علی قاسم کی رسمِ مہندی اور نکاح سمیت دیگر تقریبات میں بھی شریک ہوئے۔