وفاقی دارالحکومت اسلام آباد میں شکرپڑیاں کے مقام پر طیارہ حادثے کے نتیجے میں پائلٹ ونگ کمانڈر نعمان اکرم کی شہادت پر پوری قوم غمگین ہے ، نعمان اکرم نے گزشتہ سال ہی شیرافگن ٹرافی جیتی تھی اور ان کا تعلق سرگودھا میں تعینات نائن سکوارڈن سے تھا۔
ذرائع کے مطابق پاک فضائیہ کے قابل ترین وِنگ کمانڈر اسکوارڈن نے 2019 میں اسلحہ سازی کے مقابلوں میں شیرافگن ٹرافی اپنے نام کی تھی۔
شہید ونگ کمانڈر نعمان اکرم نے کئی محاذوں پر وطن اور قوم کی خدمت کی، ان کی قربانیوں کو ہمیشہ سراہا جائے گا۔