پاکستان سپر لیگ فائیو میں لاہور قلندرز کی لگاتار کامیابیوں نے جہاں پوائنٹس ٹیبل پر ہنگامہ مچا دیا وہیں ایک ہی اننگز میں دھواں دھار چھکے لگا کر لاہور قلندرز کے کھلاڑی بین ڈنک نے اپنی دھاک ہر جگہ بٹھالی ہے، اور اب گراؤنڈ میں ان کے ببل گم کھانے کی ویڈیو ان کے چھکوں سے بھی زیادہ وائرل ہو چکی ہے۔
سوشل میڈیا صارفین نے بھی پی ایس ایل میں ان کی شاندار کارکردگی کو سراہتے ہوئے ان کے ببل گم کھانے کے انداز پر بھی خوب تبصرے کئے۔
لیکن اب پی ایس ایل 5 میں بین ڈنک کی طرح چیونگم کھانے اور بڑا ببل گم پھلانے کے چیلنج کا آغاز ہوگیا ہے۔
قومی فاسٹ باؤلر حسن علی نے اس چیلنج کو قبول کرتے ہوئے ایک ویڈیو بھی بنائی ہے جسے پاکستان سپر لیگ کے آفیشل پیج پر شئیر بھی کیا گیا۔
اگر آپ بین ڈنک کی طرح ببل گم کا بڑا غبارہ پھلا سکتے ہیں تو آپ اس چیلنج میں حصہ لے سکتے ہیں۔ آپ کو ایک ویڈیو بنانی ہوگی جس میں آپ بین ڈنک کی طرح غبارہ پھلائیں گے اور ویڈیو شئیر کر دیں گے۔
ویڈیو بنانے کے بعد ٹوئٹر پر ہیش ٹیگ ’ڈنک ببل گم چیلنج‘ DunkBubbleChallenge# لکھ کر ویڈیو کو ٹوئٹر پر اپ لوڈ کرنا ہوگا۔