بالی ووڈ کے شہنشاہ امیتابھ بچن نے کورونا وائرس پر چند شعر لکھے ہیں جنہیں انہوں نے سوشل میڈیا پر اپنے مداحوں کے ساتھ شئیر کئے ۔ ویڈیو میں وہ شاعرانہ انداز میں شعر پڑھ کر سنا رہے ہیں۔
امیتابھ بچن نے اپنے ویڈیو پیغام میں کہا کہ ’ہم ہیں امیتابھ بچن اور یہاں بہت دنوں سے کورونا وائرس کی باتیں ہو رہی ہیں، اِس وائرس سے سب کا بہت نقصان بھی ہو رہا ہے۔
بالی ووڈ بگ بی نے کہا کہ ’اِس وائرس کی وجہ سے سب ہی لوگ بہت گھبرائے ہوئے ہیں اور پریشانی کے عالم میں مبتلا ہیں۔
اُنہوں نے کہا کہ ’سب کی پریشانی کو دیکھتے ہوئے آج صبح مجھے بھی لگا کہ مجھے کورونا وائرس کے حوالے سے کوئی پیغام دینا چاہئے اِس لئے میں نے بیٹھے بیٹھے اِس پر 4 مصرعے لکھ دیے ہیں اور سوچا کہ آپ کو اس کا تحفہ پیش کروں۔