سعودی وزارت تجارت نے فیس ماسک کے تیار ہونے کی ویڈیو جاری کرتے ہوئے کہا ہے کہ سعودی عرب میں ماسک موجودہ ضرورت سے کئی زیادہ تعداد میں تیار کئے جا رہے ہیں۔
سعودی حکام کے مطابق سعودی عرب میں ماسک کی وافر مقدار تیار کر لی گئی ہے۔
سعودی وزارت تجارت نے سوشل میڈیا ویب سائٹ ٹوئٹر پر ویڈیو جاری کرتے ہوئے کہا ہے کہ مقامی طور پر تیار ہونے والے طبی ماسک کی سپلائی مارکیٹ میں کی جا رہی ہے۔
وزارت تجارت کا کہنا ہے کہ مقامی فیکٹریوں میں بننے والے ماسک ہر قسم کے ہیں، ان کی بڑی تعداد کو مختلف شہروں کی فارمیسیوں کو سپلائی کیا جائے گا۔
خیال رہے کہ کرونا وائرس سے بچاؤ کے لئے سعودی عرب سمیت پوری دنیا میں ماسک اور سینیٹائزر کی طلب میں اضافہ کئی گنا بڑھ گیا ہے۔