نامور مذہبی اسکالر مولانا طارق جمیل نے کورونا وائرس کے حوالے سے اپنے ایک ویڈیو بیان میں کہا ہے کہ 'موجودہ صورت حال میں ہمیں ایک دوسرے سے تعاون کرنا چاہئیے'۔
طارق جمیل کا کہنا تھا کہ 'اس وقت ہم ایک عالمی وبا کے زیرِ اثر ہیں، ہمیں اللہ کا سہارا پکڑ کر اس خوف کی فضا سے نکلنا چاہئیے کہ سب کچھ اللہ کی طرف سے ہوتا ہے'۔
ان کا کہنا تھا کہ 'عوام صدقہ دیں اور جتنی حیثیت ہے اس کے مطابق صدقہ دیا جائے کیونکہ یہ فرمان نبوی صلی اللہ علیہ وسلم ہے، ہمارے لیے ضروری ہے کہ ہم اپنے ایمان کو بھی بچائیں اور اپنی صحت کو بھی بچائیں'۔
مولانا طارق جمیل نے عوام پر زور دیا کہ 'وہ احتیاطی تدابیر کے لیے حکومتی اقدامات کا ساتھ دیں، علماء کے احکامات کے مطابق نمازیں مختصر پڑھیں اور وضو گھر سے کر کے نکلیں'۔