کورونا وائرس کے باعث پاکستان سپر لیگ ایڈیشن فائیو کے ملتوی کئے جانے والے میچز اب کرانے کا فیصلہ کرلیا گیا ہے۔
ذرائع کے مطابق پشاور زلمی، کراچی کنگز ، ملتان سلطانز اور لاہور قلندرز پلے آف اور ایلیمینیٹر میچز کھیلیں گی۔ دوبارہ کرائے جانے والے ٹورنامنٹ میں سیمی فائنل میچز نہیں کھیلے جائیں گے۔ تاہم پلے آف اور فائنل کے ساتھ چار میچز ہوں گے۔
پی سی بی کا کہنا ہے کہ پاکستان سپر لیگ کے تین پلے آف اور فائنل میچز اگلے سال پی ایس ایل ایڈیشن 6 سے قبل کرائے جائیں گے، جبکہ بقیہ میچز کی تاریخ کا اعلان ابھی نہیں کیا گیا۔