پاکستان کرکٹ ٹیم کے سابق فاسٹ باؤلر شعیب اختر کا کہنا ہے کہ چائنہ کا مقابلہ صرف کورونا سے تھا لیکن ہمارا مقابلہ جہالت سے ہے۔
گزشتہ روز سابق فاسٹ باؤلر شعیب اختر نے سماجی رابطے کی ویب سائٹ ٹوئٹر پر ایک پوسٹ شئیر کی جس میں اُنہوں نے کورونا وائرس کے حوالے سے پاکستانیوں کی لاپرواہی کے بارے میں ذکر کیا۔
شئیر کی جانے والی
پوسٹ میں اُنہوں نے لکھا کہ چین کا مقابلہ صرف اور صرف کورونا وائرس سے تھا اِسی لیے چین جیت گیا۔
شعیب اختر نے لکھا کہ ’ہمارا مقابلہ پہلے جہالت، لاعلمی، تعلیم اور شعور کی کمی اور ہٹ دھرمی سے ہے اُس کے بعد ہمارا مقابلہ کورونا وائرس سے ہے۔
سابق لیجنڈ فاسٹ باؤلر نے یہ پوسٹ ٹوئٹر پر شئیر کرتے ہوئے لکھا کہ اِس ٹوئٹ کو پوسٹ کرتے ہوئے بہت دُکھ ہورہا ہے لیکن یہ سچ ہے۔