پاکستان میں کورونا وائرس سے صحتیاب ہونے والے پہلے مریض یحییٰ جعفری نے کورونا وائرس کے مریضوں کے علاج کے لئے اپنا پلازمہ چلڈرن اسپتال کراچی کو عطیہ کر دیا۔
ماہر امراض خون ڈاکٹر ثاقب انصاری کا کہنا ہے پاکستان میں کورونا وائرس سے صتحیاب ہونے والے یحییٰ جعفری نے اپنا پلازمہ عطیہ کر دیا ، وہ پاکستان میں کورونا وائرس کے پہلے مریض تھے۔
پلازما ڈونر یحییٰ جعفری نے ایک انٹرویو میں کہا کہ ڈاکٹرز اور حکومت کی بھرپور مدد کے باعث میں صحتیاب ہوا، انہوں نے کہا میری یہی کوشش تھی کہ میں قوم اور لوگوں کی اس حوالے سے حوصلہ افزائی کروں۔
خیال رہے کہ پاکستان میں کورونا وائرس کا پہلا کیس کراچی میں 26 فروری کو سامنے آیا تھا، جہاں 22 سالہ نوجوان یحییٰ جعفری میں کورونا وائرس کی تصدیق ہوئی تھی۔