وزیر اعظم عمران خان کی سابقہ اہلیہ جمائما گولڈ اسمتھ نے سوشل میڈیا پر اپنے ٹوئٹر پیغام میں تمام پاکستانیوں کے لئے کورونا وائرس جیسے مہلک مرض سے لڑنے کا حوصلہ بڑھاتے ہوئے محبت اور سلام پیش کیا۔
سوشل میڈیا ویب سائٹ ٹوئٹر پر جمائما کا اپنے ایک ٹوئٹ میں کہنا تھا ،میں یہی سوچ رہی ہوں کہ لاک ڈاؤن کے دنوں میں میرے پاکستان میں رہنے والے دوست کیا کر رہے ہوں گے؟
انہوں نے پاکستانی قوم کے ساتھ اظہار ہمدردی کرتے ہوئے کہا کہ برطانیہ کے موجودہ حالات یہاں کے لوگوں کے لئے کافی سخت ہیں تو پاکستان میں تو حالات اور بھی مشکل ہوں گے۔
اپنے ٹوئٹ کے آخر میں جمائما نے تمام پاکستانیوں کے لئے سلام بھیجا اور محبت کا اظہار بھی کیا۔