امریکہ کے حالات سے ہم سب واقف ہیں، کورونا وائرس کے سب سے زیادہ کیسز اور اموات امریکی ریاست نیویارک میں ہوئی ہیں۔ یہیں رہائش پذیر ایک 70 سالہ پاکستانی اپنے خاندان کے 3 افراد سمیت اس وبا کا شکار ہو گئے۔
انہوں نے اپنی کہانی بتاتے ہوئے کہا کہ میری بیٹی ایک دن یونیورسٹی سے واپس آئی تو اس کے گلے میں ہلکا سا درد تھا، اس کے بعد وہ بخار میں مبتلا ہو گئی جس کے بعد ان کے ان کی بیٹی سمیت گھر میں دیگر دو افراد کا کورونا ٹیسٹ کیا گیا جس کے بعد تینوں کا ٹیسٹ مثبت آیا۔
ان کا کہنا تھا کہ میری عمر 70 سال تھی اسی لیے میرے کیس کی نوعیت سیریس تھی، مجھے آئسولیشن میں رکھا گیا جس کے بعد میں صحت یاب بھی ہوگیا۔
انہوں نے واضح کیا کہ اس بیماری میں ڈرنے کی کوئی بات نہیں ہے، بس اگر احتیاط کر لی جائے تو سب کچھ نارمل ہو جاتا ہے۔