اداکارہ عائزہ خان نے ریما خان کی رمضان ٹرانسمیشن بارانِ رحمت میں شرکت کی جس میں ان سے شوبز چھوڑنے کے حوالے سے سوال کیا گیا۔
اداکارہ عائزہ خان نے جواب دیا کہ شوبز چھوڑنا یا نہ چھوڑنا میرا اور اللہ کا معاملہ ہے۔
ان کا کہنا تھا کہ لوگ آپ کو پرکھتے ہیں، جانچتے ہیں۔ میں اور دانش پچھلے سال حج پر گئے تھے وہاں جو بھی ملا اس نے بہت محبت دی تاہم کچھ لوگ ہوتے تھے ہمارے ارد گرد جو ایسے سوالیہ انداز سے دیکھتے تھے کہ حج کرنے کے بعد کیا اب تم شوبز کی فیلڈ چھوڑ دو گی؟
اداکارہ نے مزید کہا کہ اللہ تعالیٰ نے میرے دل میں کوئی چیز لانی ہوگی تو وہ آپ کے کہنے سے نہیں آئے گی وہ آجائے گی بس۔
عائزہ خان نے دوران حج پیش آنے والا ایک واقعہ بھی بتایا۔ انہوں نے سنایا جب ہم عرفات کے میدان میں تھے تو وہاں بہت تیز بارش ہو گئی جس کی وجہ سے ہم لوگوں کے خیمے وغیرہ اکھڑ گئے اور ہمارا سامان اِدھر ادھر ہوگیا، تاہم وہاں موجود ایک خاتون نے ہمارا سامان سنبھالا ہوا تھا۔ لہٰذا آپ چاہے کسی بھی فیلڈ میں ہوں لوگ آپ سے پیار کرتے ہیں۔
عائزہ خان کا کہنا تھا کہ میں نے کبھی خود کو کامیاب نہیں تصور کیا، میں ہمیشہ عام فرد کی طرح ہی خود کو سمجھتی ہوں۔