جب بھی کوئی وائرس جسم پر وار کرتا ہے تو جسم میں ایک جنگ سی چھڑ جاتی ہے، ایک طرف وائرس ہوتا ہے جو اپنی تعداد کو بڑھانا چاہتا ہے جبکہ دوسری جانب جسم کا مدافعتی نظام ہوتا ہے جو وائرس کو ختم کرنا چاہتا ہے۔
ماہرین کا کہنا ہے کہ کچھ بیماریوں میں جسم جتنا زیادہ وائرس کی تعداد سے متاثر ہوتا ہے، علامات اتنی ہی زیادہ شدید ہوتی ہیں۔
اس صورتحال میں بیماری کے وقت وائرس کی زیادہ تعداد مدافعتی نظام کو زیر کر دیتی ہے۔
ماہرین ابھی یہ بات یقین سے نہیں کہہ سکتے کہ کورنا وائرس بھی اسی طرح وار کرتا ہے، جبکہ وہ کورونا وائرس کی جسم میں تعداد پر تحقیقات کر رہے ہیں تاکہ وائرس سے لڑنے کے بہترین طریقے دریافت کیے جا سکیں۔