گزشتہ ہفتے کینسر کے مرض میں مبتلا بالی ووڈ کے نامور اداکار عرفان خان دنیا فانی سے کوچ کر گئے۔
والد کی یاد میں ان کے 19 سالہ بیٹے بابیل کی جانب سے سماجی رابطے کی ویب سائٹ انسٹاگرام پر ایک ویڈیو شئیر کی گئی جس میں عرفان خان کسی ریسٹورنٹ میں بیٹھے پانی پوری کھا رہے ہیں۔
ویڈیو شیئر کرتے ہوئے بابیل نے کیپشن میں لکھا کہ جب آپ طویل عرصے سے ڈائٹ پر ہوں اور ایک دن آپ کو پانی پوری سے لطف اندوز ہونے کا موقع میسر آئے۔
واضح رہے کہ موذی مرض کینسر کا شکار 53 سالہ عرفان خان گزشتہ ہفتے کولون انفیکشن کے باعث دنیا سے رخصت ہوئے تھے۔