وسیم بادامی کا شمار پاکستان کے بہترین اینکرز میں ہوتا ہے۔ ان کی ذہانت کی وجہ سے ان کے بے شمار مداح ہیں جو انہیں ہر وقت سراہتے ہیں۔
تفصیلات کے مطابق گزشتہ چند دنوں سے سوشل میڈیا پر ایک ویڈیو وائرل ہو رہی ہے جو کہ ندا یاسر کے مارننگ شو کی ہے۔
پروگرام میں وسیم بادامی اور اقرارالحسن نے بطور مہمان شرکت کی۔ ندا یاسر نے وسیم بادامی کو منتخب کرتے ہوئے کہا کہ 'سمجھیں یہ مارننگ شو آپ کا ہے، آپ اسے کیسے چلائیں گے'۔
وسیم بادامی نے مسکراتے ہوئے جواب دیا کہ 'مجھ سے ایک بار کسی نے کہا تھا تم سب کچھ ہو سکتے ہو لیکن چھچھورے نہیں ہو سکتے'۔
ندا یاسر نے اس کے بعد کہا 'چلیں شروع کریں' جس پر وسیم بادامی بولے 'اچھا مطلب اب سوچنا سمجھنا نہیں ہے صرف بولنا ہے' جس پر میزبان خاصی شرمندہ ہو کر رہ گئیں۔