عالمی ادارہ صحت کی جانب سے حیران کن وضاحت سامنے آئی ہے کہ نوول کورونا وائرس کی ویکسین سال 2021 تک تیار نہیں ہوسکتی۔
عالمی ادارہ صحت کے ترجمان کے مطابق نئی ویکسین کی آزمائش کے تین مراحل ہوتے ہیں جس کے بعد مزید دو مرحلے طے کئے جاتے ہیں، اس تمام صورت حال میں تقریباً ڈیڑھ سال کا وقت درکار ہوگا، تاہم دور دور تک مہلک وائرس کی ویکسین کی تیاری نظر آرہی۔
ڈبلیو ایچ او کے عالمی وبا الرٹ کے سربراہ ڈاکٹر ڈیل فشر نے کہا کہ اس وقت دنیا میں کورونا وائرس کی ویکسین کی آزمائش جاری ہے اور یہ مرحلہ ابھی دوسرے یا تیسرے مرحلے پر ہے۔
ان کا کہنا تھا کہ جیسے جیسے مراحل بڑھتے رہتے ہیں ویسے ہی ماہرین کی مشکلات میں بھی اضافہ ہوتا رہتا ہے اور جب آزمائش کے تیسرے مرحلے کا وقت آتا ہے تو زیادہ وقت درکار ہوتا ہے۔
انہوں نے واضح طور پر ویکسین کی دستیابی کے حوالے سے کوئی تاریخ نہیں بتائی، تاہم یہ ضرور بتایا کہ اگر تمام مراحل توقعات کے مطابق طے کئے گئے تو بھی ویکسین کی فراہمی 2021 کے اختتام تک بھی ممکن نہیں۔