ڈونلڈ ٹرمپ کی جانب سے عالمی ادارہ صحت کی فنڈنگ واپس بحال کرنے کا فیصلہ سامنے آیا ہے۔
صدر ٹرمپ نے ایک ماہ قبل ڈبلیو ایچ او کی فنڈنگ روکنے کا اعلان کیا تھا۔
امریکی میڈیا کے مطابق امریکہ ڈبلیو ایچ او کو اتنی ہی فنڈنگ دے گا جتنی چین عالمی ادارے کو فراہم کرے گا، ٹرمپ نے اس اعلان کے ساتھ یہ بھی کہا کہ موجودہ بحران کے دوران عالمی ادارہ صحت تعمیری کردار ادا کرے گا۔
ٹرمپ نے کہا کہ امریکہ ڈبلیو ایچ او کو مجموعی طور پر سالانہ 400 ملین ڈالر فراہم کرتا تھا، تاہم چین نے اگر ادارے کے لیے اپنی فنڈنگ بڑھائی تو امریکہ بھی بڑھا سکتا ہے۔ بعدازاں ٹرمپ انتظامیہ نے عالمی ادارہ صحت سے کورونا وائرس پھیلنے کی غیر جانب دار تحقیق کا بھی مطالبہ کر دیا ہے