امریکہ کے ماہرِ غذائیت نے عوام کو خبردار کردیا ہے کہ پولٹری فارم میں مرغیوں کی زیادہ افزائش کے نتیجے میں کورونا وائرس سے بھی زیادہ تباہی مچ سکتی ہے اور وہ تباہی اتنی شدید ہوگی کہ آدھی دنیا ختم ہوجائے گی۔
ڈاکٹر مائیکل گریگر نے اپنی نئی کتاب میں لکھا ہے کہ پولٹری مصنوعات میں پائی جانے والی بیماریاں انسانوں کے لئے کورونا وائرس سے بھی زیادہ خطرناک ہیں۔
ڈاکٹر مائیکل کے مطابق جب تک ہم گوشت کو فوقیت دیتے رہیں گے اس وقت تک انسان نئی بیماریوں کی زد میں آتا رہے گا۔
ڈیلی ٹیلی گراف اخبار میں شائع ہونے والی رپورٹ میں بتایا گیا کہ ڈاکٹر مائیکل خود سبزی کے شوقین ہیں اور اپنی غذا میں اسی کو شامل کرتے ہیں۔