قومی کرکٹ ٹیم کے آل راؤنڈر شعیب ملک نے کہا ہے کہ بابراعظم ہمارا فخر ہے، انہیں چاہئے کہ ویرات کوہلی کی طرح اپنی ٹیم کو لیڈ کریں تاکہ کھلاڑی بابر کے لئے کھڑے ہوں۔
تفصیلات کے مطابق اپنے ایک انٹرویو میں شعیب ملک نے ون ڈے اور ٹی ٹوئنٹی ٹیم کے کپتان بابراعظم کی تعریف کی اور مشہور کھلاڑی کی قومی ٹیم کے لیے خدمات کو سراہا۔ ان کا کہنا تھا کہ بابراعظم کرکٹ میں ایک ٹیم بنا کرچلے، آپس میں ایک دوسرے کو ہرممکن سپورٹ کریں۔
انہوں نے پاکستان کرکٹ بورڈ سے مطالبہ کیا کہ بابراعظم کو بحیثیت کپتان تمام تر اختیارات فراہم کریں تاکہ مستقبل میں کھیل کے دوران وہ بڑے فیصلے کر کے ٹیم کو آگے لے کر چل سکیں۔
شعیب ملک نے نیک تمناؤں کا اظہار کرتے ہوئے کہا کہ بابراعظم اب دو فامیٹ کا کپتان ہے، میری دعا ہے وہ کامیاب ہو، اسے بھی ابھی سپورٹ کی ضرورت ہے تاکہ بابر ایک بڑا کپتان بن کر ابھرے۔