اداکار شہروز سبزواری نے حال ہی میں ماڈل صدف کنول کے ساتھ دوسری شادی کی جس کے باعث سوشل میڈیا صارفین نے انھیں شدید تنقید کا نشانہ بنایا۔
شہروز نے وضاحتیں بھی پیش کیں مگر تاحال تنقید کا سلسلہ تھم نہ سکا، اور اسی بات کی وجہ سے وہ دل برداشتہ ہوگئے۔
انھوں نے انسٹاگرام پر اپنی ایک تصویر اپ لوڈ کی جس میں شہروز نے ماسک پہنا ہوا ہے۔
تصویر کے ساتھ لکھا ہے کہ ’کورونا وائرس چوہوں اور سانپوں کو متاثر نہیں کرتا، اسی لئے آپ میں سے بیشتر لوگ اِس وائرس سے محفوظ ہیں۔‘
انھوں نے تنقید کرنے والوں کو چوہوں اور سانپوں سے مشابہت دی ہے۔ اور ساتھ ہی اپنی پروفائل پر کمنٹ سیکشن کو بھی بند کردیا ہے۔
ان کی اس پوسٹ پرصارفین کی جانب سے مذید تنقید کی جارہی ہے، کیونکہ سائرہ سے طلاق کی وجہ صدف کنول ہیں ایسا ان کی دوسری شادی سے صاف واضح ہورہا ہے۔
