خیبر پختونخواہ کے علاقے شمالی وزیرستان میں ڈپٹی کمشنر شاہد علی خان کا کہنا تھا کہ ضلع میں ماسک لازمی قرار دے دیا گیا ہے اور اس کی خلاف ورزی پر ایک ہزار روپے جرمانہ عائد کیا جائے گا۔
یہ فیصلہ حکومت کی جانب سے ان لوگوں کے لیے کیا گیا ہے جو مسلسل ایس او پیز کے خلاف ورزی کرتے دکھائی دیتے ہیں۔
واضح رہے کہ حکومت کی بار بار اپیلوں کے باوجود کورونا سے متعلق ایس او پیز پر عملدرآمد نہ کرنے پر حکومت نے جرمانے کرنے کا فیصلہ کیا ہے، پشاور میں ماسک نہ پہننے پر لوگوں کو ایک ہزار روپے جرمانوں کا سلسلہ تاحال جاری ہے۔